Ұлытау өңіріндегі салалық кеңес отырысында балабақшалардағы ата-ананың жарнасы талқыланды.
Ұлытау облысының кәсіпкерлер палатасының салалық қызметтер кеңесінің отырысында “Мектепке дейінгі тәрбие мен оқытуға мемлекеттік білім беру тапсырысын, мектепке дейінгі ұйымдардағы ата-аналық төлемақының мөлшерін бекіту туралы” Ұлытау облысы әкімдігі қаулысының жұмыс жобасы қаралды.
Кеңес жұмысына бизнесті қорғау жөніндегі Басқарушы директор Ғалымжан Сүтбаев, Ұлытау облысы білім басқармасының басшысы Сапура Төлекова, салалық даму бойынша жетекші сарапшы Маржан Жауен, Ұлытау облысы Прокуратурасының қоғамдық мүдделерді қорғау бөлімінің прокуроры Ж.Төлепов, бизнесті қорғау бойынша жетекші маман Өмір Мұратов, сондай-ақ Мектепке дейінгі балалар мекемелерінің басшылары қатысты.
Сапура Сейдуалиқызы мектепке дейінгі тәрбие мен оқытуға мемлекеттік тапсырыс республика бойынша бірдей мөлшерде бекітілетінін, ал ата-ана жарналарының мөлшері қалалық және аудандық статистика бөлімдері белгілеген азық-түлік бағасына сәйкес есептелетінін және бекітілетінін түсіндірді.
Жетекші сарапшы Маржан Жауен бұл қаулы жобасында аталған сандардың іс жүзінде 2023 жыл екендігіне және қалалар мен аудандардағы ата-аналар жарналарының мөлшері іс жүзінде өте төмен екендігіне назар аудару қажет екенін, оны азық-түлік бағасының өсуін ескере отырып көтеру қажет екенін атап өтті.
Балабақша басшылары ата-ана жарналарының мөлшерін аймақ үшін бірыңғай бағамен белгілеуді, ал келесі отырыста облыстың статистика, кәсіпкерлік, экономика және бюджеттік жоспарлау басқармасының өкілдерін шақыруды және ата-ана жарналарының мөлшерін бірлесіп талқылауды ұсынды.
Пікір қалдыру:
Пікірлер: