Жаңарқа ауданында Ұлытау облысы Іскер әйелдер кеңесінің бірінші отырысы өтті
Жаңарқа ауданында Ұлытау облысы кәсіпкерлер палатасының Іскер әйелдер кеңесінің бірінші отырысы ұйымдастырылды.
Іскер әйелдер кеңесінің төрайымы Гүлмира Қаженова жиынды ашып, Кеңестің миссиясы – облыстың белсенді әйелдерінің табысы мен бастамаларын шоғырландыру, өңірдегі әйелдер кәсіпкерлігін дамытуға көмектесу және қолдау көрсету екенін атап өтті.
«Бүгінде әйелдерге тұрмыстың көп міндеті жүктелген. Әйел – ана да, шаңырақ шырақшысы, кәсібін дөңгелетіп отырған іскер де. Халықтың «Әйел ана бір қолыммен бесік тебретсе бір қолы мен әлемді тербетеді» деген тәмсілінің мәні тереңде. Біздің міндетіміз – дамуға жәрдемдесу және жан-жақты қолдау, - деп атап өтті Гүлмира Қаженова.
Палатаның ШОБ дамыту бөлімінің бастығы Дана Есембекова іскер әйелдер үшін оқу және өзін-өзі дамыту маңызды атап өтті.
«Жақында Қорғаста этно-фестиваль ұйымдастырылады. Халықаралық шара бұл іскер ханымдарға тәжірибе алмасуға және іскерлік байланыс орнатуға мүмкіндік береді, - деді Дана Есембекова.
Кеңес барысында Жаңаарқа ауданы бойынша ІӘК төрағалығына Сандуғаш Жұматова тағайындалды.
Кеңес мүшелері ұзақ мерзімді ынтымақтастыққа үміт білдіріп, жұмыс кездесулерінің кестесін жасады.
Пікір қалдыру:
Пікірлер: