Қаржы министрлігі квазимемлекеттік сектордың сатып алуларына рейтингтік-балдық жүйені енгізуді жоспарлап отыр
«Атамекен» Қазақстан Республикасының Ұлттық кәсіпкерлер палатасына сараптамалық қорытынды жасау үшін Қаржы министрінің ҰӘҚ-ны қоспағанда, квазимемлекеттік сектордың жекелеген субъектілерінің сатып алуды жүзеге асыру қағидаларына өзгерістер енгізу жөніндегі бұйрығының жобасы келіп түсті.
Бұйрық жобасы Мемлекет басшысының автожол саласын монополияландыруға жол бермеу, әлеуетті өнім берушілер арасында адал бәсекелестікті кеңейту, әлеуетті өнім берушілерге сатып алуға қатысу үшін тең мүмкіндіктерді қамтамасыз ету туралы тапсырмасын орындау шеңберінде әзірленді.
Атап айтқанда, Мемлекеттік сатып алуды жүзеге асыру қағидаларына ұқсас рейтингтік-балдық жүйені енгізу жоспарлануда.
Осылайша, рейтингтік-балдық жүйе бүгінде сатып алуды жүзеге асыруда кейбір артықшылықтарды көрсетті, атап айтқанда сатып алуды өткізу рәсімдерінің санын және конкурстық рәсімдерді өткізу мерзімдерін едәуір қысқартты, сондай-ақ сатып алуды өткізу кезінде адами факторды алып тастады, нәтижесінде сыбайлас жемқорлық тәуекелдерін азайтты.
Сондай-ақ, жобаға өнім берушілерді жасалған шарттарды мерзімінде орындауға ынталандыратын, қолданыстағы шарттар бойынша орындалмаған міндеттемелер болған кезде жаңа шарттар жасасу мүмкіндігін болдырмау бойынша түзетулер енгізілді.
Шағын және орта бизнесті жөндеудің шағын учаскелеріне тартуға мүмкіндік беретін, осылайша бәсекелестік ортаны кеңейтетін және орта жөндеу нарығын монополиясыздандыратын нормалар қосымша қарастырылған.
Түзетулермен автожолдарды ағымдағы және орташа жөндеу үшін меншікті техника мен жабдықтың болуы, сондай-ақ жұмыстардың жалпы көлемінің үштен бірінен аспайтын қосалқы мердігерлікке беру жөніндегі талаптарды енгізу көзделеді.
«Атамекен» ҰКП қазіргі уақытта бұйрық жобасына ескертулер мен ұсыныстарды (бар болса a.mukhamejanova@atameken.kz электрондық мекенжайына жібере аласыздар) жинау және өңдеу бойынша жұмыс жүргізуде.
Ашық нормативтік құқықтық актілердің интернет-порталында https://legalacts.egov.kz/npa таныса аласыз.
Бұйрық жобасын жария талқылауды өткізу мерзімі – 2024 жылғы 25 желтоқсанға дейін.
Пікір қалдыру:
Пікірлер: